Žychar Buda-Kašaloŭskaha rajona, starajučysia spynić sprobu samahubstva brata, vypadkova zabiŭ jaho
Sud Buda-Kašaloŭskaha rajona vynies pryhavor u dačynieńni da 25-hadovaha žychara rajona, jaki vypadkova zabiŭ svajho 31-hadovaha brata. Za naniasieńnie śmierci pa nieaściarožnaści (častka 1 artykuła 144 KK) abvinavačvany pakarany hodam pazbaŭleńnia voli z adbyvańniem pakarańnia ŭ kałonii-pasialeńni.
Jak paviedamiŭ prakuror Buda-Kašaloŭskaha rajona Siarhiej Maciuškoŭ, złačynstva było ŭčyniena ŭ krasaviku 2014 hoda. 31-hadovy žychar vioski Karomka pryjšoŭ u hości da svajho małodšaha brata. Paśla ŭžyvańnia śpirtnoha ŭźnikła svarka. Paśla jaje 31-hadovy mužčyna vyrašyŭ skončyć žyćcio samahubstvam, vyjšaŭ u dvor i pasprabavaŭ paviesicca. Ale suicydalnaja sproba nie zastałasia niezaŭvažanaj — u dvor vyjšaŭ małodšy brat. Jak paźniej rastłumačyŭ abvinavačvany, jon vyrašyŭ vyratavać brata, papiarednie «vybiŭšy dur u jaho z hałavy», heta značyć psichałahična «źniać napružańnie i pieraklučyć jaho».
Mužčyna nanios udar kułakom u bok bratu. Paśla druhoha ŭdaru jamu stała drenna, ale jon kateharyčna admoviŭsia ad špitalizacyi.
Viečaram mužčynu ŭbačyli, što jon lažyć na vulicy. Jak vyśvietlili śpiecyjalisty, śmierć nastupiła ad razryvu sielazionki, straŭnikava-sielazionačnaj źviazki i nastupnaha ŭnutranaha kryvacioku.
Raniej abvinavačvany byŭ nieadnarazova sudzimy za kradziažy.