Pa Horłaŭcy nanieśli rakietna-minamiotny ŭdar. Da 30 achviaraŭ VIDEA
Pa Horłaŭcy (Danieckaja vobłaść, Ukraina) dniom 27 lipienia naniesieny rakietna-minamiotny ŭdar z vakolic horada.
Pra heta paviedamiŭ karespandent Ukrainskaj praŭdy, jaki znachodzicca na miescy padziej.
Ahoń vioŭsia z vakolic horada pa centry Horłaŭki. «Kolkaść zahinułych siarod mirnaha nasielnictva — ad 20 da 30 čałaviek», — adznačyŭ žurnalist.
Taksama stała viadoma, što adzin z snaradaŭ upaŭ niepadalok ad centralnaj radzilni i razarvaŭsia.
«Ludzi siadziać pa padvałach, chavajucca», — adznačyŭ karespandent.
Razam z tym, jak paviedamlaje ŭ sacsietcy «Adziny kaardynacyjny centr «Danbas», da siaredziny 27 lipienia ŭ centry Horłaŭki było čuvać 2 załpy z «Hrada», a taksama niekalki vybuchaŭ.
Pavodle miascovych žycharoŭ ahniavyja kropki terarystaŭ stajać u rajonie pr. Lenina, «ale jany čas ad času źmianiajuć svajo miescaznachodžańnie. Vybirajuć miescy pa daŭno viadomym mietadzie: dzie bolš ludziej, tam i budziem stajać».
Miascovyja ŚMI paviedamlajuć ab tym, što asnoŭnyja siły tak zvanaha «apałčeńnia» pieramiaścilisia da Biesarabki, «adtul čakajecca ŭdar sił ATA».