UPC Kijeŭskaha patryjarchata zaklikała UPC MP da abjadnańnia
Śviaty Sinod UPC KP źviarnuŭsia da kiraŭnictva UPC MP z zaklikam abrać novym staršynioj Ukrainskaj pravasłaŭnaj carkvy Maskoŭskaha patryjarchata čałavieka, jaki paviadzie da stvareńnia adzinaj pravasłaŭnaj carkvy va Ukrainie.
Pra heta havorycca ŭ zajavie, jakuju raspaŭsiudziła pres-słužba UPC KP.
U tekście zajavy ijerarchi UPC KP čarhovy raz paviedamili, što nie pryznajuć pierachod Kijeŭskaj mitrapolii pad uładu rasijskaha patryjarcha ŭ 1685 hodzie, nazyvajučy hetu padzieju «anieksijaj», i adznačajuć, što pryncyp «u niezaležnaj dziaržavie — niezaležnaja (aŭtakiefalnaja) carkva» źjaŭlajecca normaj pravasłaŭnaj tradycyi.
Taksama ŭ tekście adznačyli, što ličać niezakonnym Charkaŭski sabor 1992 hoda, dzie adbyŭsia raskoł UPC.
Kiraŭnik UPC MP, mitrapalit Kijeŭski i usioj Ukrainy Uładzimir pamior 5 lipienia. Vybary novaha kiraŭnika UPC MP pryznačany na 13 žniŭnia.