U Finlandyi źjaviacca pradukty z nadpisami na rasijskaj movie
Na ŭpakoŭkach małaka i syru ŭ finskich kramach nieŭzabavie možna budzie ŭbačyć nadpisy «małako» i «syr» na rasijskaj movie. Takoje vyklučnaje rašeńnie z pryčyny uviedzienych Rasijaj sankcyj pryniało finlandskaje ahienctva biaśpieki charčavańnia Evira.
Ź finskich praduktaŭ, pryznačanych dla prodažu rasijanam, patrabavanuju zakonam markiroŭku bujnym šryftam na finskaj i šviedskaj movach možna budzie zamianić nadpisam na rasijskaj.
Meta Evira — panizić abjom charčovych adkidaŭ, jaki moža paŭstać u suviazi z zabaronaj Rasii na impart charčovaj pradukcyi. Z-za embarha ŭ vytvorcaŭ na składach zastałosia šmat zapasaŭ.
Pavodle zakona nadpisy na ŭpakoŭkach praduktaŭ pavinny być na finskaj i na šviedskaj movach.