U Kitai naradzilisia pandy-trajniaty FOTA
Pandy-trajniaty źjavilisia na śviet u safary-parku kitajskaha horada Huančžou, paviedamlajuć infarmahienctvy.
Z momantu źjaŭleńnia na śviet miedźviedzianiataŭ prajšło ŭžo dva tydni. Trajniatki adčuvajuć siabie dobra. Adrazu paśla naradžeńnia ich źmiaścili ŭ inkubatar i zabiaśpiečyli intensiŭny dohlad, bo sasłablenaja paśla rodaŭ panda pa mianušcy «Cziujsiao» («Uśmieška chryzantemy») nie mahła pakłapacicca pra novanarodžanych samastojna.
Vialikija pandy, jakija znachodziacca pad pahrozaj źniknieńnia, redka naradžajuć u niavoli, a vyžyvalnaść ich naščadkaŭ u pieršyja miesiacy vielmi nizkaja. Za apošnija 50 hadoŭ u śviecie naradzilisia bolš za 400 pand. Siarod ich byli try trajni, adnak u kožnaj ź ich adno ci dva dzicianiaty nia vyžyvali. Takim čynam, miedźviedzianiaty, što źjavilisia na śviet u Huančžou, pakul adzinyja ŭ historyi pandy-trajniatki, jakija vyžyli.
Va ŭmovach dzikaj pryrody žyvuć 1,6 tys. pand. Pieravažna jany žyvuć u hornych lasach paŭdniova-zachodniaj pravincyi Syčuań, dzie raście šmat bambuka, maładyja parastki jakoha źjaŭlajucca dla ich asnoŭnym łasunkam. Jašče kala 180 pand ŭtrymlivajucca ŭ valjerach roznych hadavalnikaŭ i zaaparkaŭ.