Kampanija Lenovo adkryje aficyjnaje pradstaŭnictva ŭ Biełarusi
Kampanija Lenovo, adzin z suśvietnych lidaraŭ u vytvorčaści piersanalnych kamp`iutaraŭ, adkryvaje ŭ Biełarusi aficyjnaje pradstaŭnictva.
Jak paviedamili u pres-słužbie kampanii, pradstaŭnictva zapracuje vosieńniu i raźmieścicca niepadalok ad centra Minska ŭ biźnies-centry «Nord Sici». Rehijanalnym pradstaŭnikom u Biełarusi budzie Alaksandr Vinicki. Hetym krokam kampanija raźličvaje značna ŭzmacnić upłyŭ na biełaruskim rynku płanšetaŭ i smartfonaŭ, a taksama budzie vieści svoj biźnies niezaležna ad ukrainskaha ofisa, jak heta było raniej.
Kiraŭnik pradstaŭnictva Lenovo va Ukrainie Čžou Vej Cziań zajaŭlaje ab namiery kampanii stać lidaram u Biełarusi pa prodažy płanšetaŭ i smartfonaŭ. Niahledziačy na toje što aficyjnyja prodažy hetych pryład u krainie startavali viasnoj, hetuju metu jon ličyć dasiahalnaj užo ŭ najbližejšaj budučyni.
U kampanii Lenovo taksama zajaŭlajuć ab namiery vyjści na biełaruski rynak televizaraŭ, padkreślivajučy, što raniej heta było niemahčyma z-za vysokaha koštu pryład, jaki moh adpudzić spažyŭca.Nie vyklučajuć taksama ź`iaŭleńnia ŭ Biełarusi «razumnych akularaŭ».
Lenovo — technałahičnaja kampanija z kapitalizacyjaj 34 młrd. dołaraŭ ZŠA, najbujniejšy vytvorca piersanalnych kamp`iutaraŭ u śviecie, čyja pradukcyja pradstaŭlena bolš čym u 160 krainach. Kampanija, utvoranaja ŭ 1984 hodzie, atrymała ŭ 2003 hodzie imia Lenovo, a ŭ 2005 hodzie nabyła padraździaleńnie pa vytvorčaści piersanalnych kamp`iutaraŭ IBM.
Štab-kvatera kampanii Lenovo raźmieščana ŭ Pierčejzie (štat Ńju-Jork, ZŠA), a asnoŭnyja apieracyjnyja ofisy — u Piekinie i Roli (štat Paŭnočnaja Karalina, ZŠA).