ŚMI paviedamlajuć pra adstaŭku lidara ŁNR Bołatava
Kiraŭnik samaabvieščanaj Łuhanskaj narodnaj respubliki (ŁNR) Valeryj Bołataŭ padaŭ u adstaŭku,
paviedamlaje Vesti.ua sa spasyłkaj na krynicu ŭ Łuhanskam harsaviecie. Miesca Bołatava zojmie ministr abarony ŁNR Ihar Płatnicki.
Tydzień tamu z pasady premjer-ministra Danieckaj narodnaj respubliki syšoŭ Alaksandr Baradaj, jaho pasadu zaniaŭ adzin ź lidaraŭ h.zv. apałčeńnia Alaksandr Zacharčanka.
Novy kiraŭnik ŁNR Ihar Płatnicki.
50-hadovy Płatnicki ŭ savieckaj armii byŭ majoram. U niezaležnaj Ukrainie spačatku zajmaŭsia biznesam (jahonaja firma vałodała aŭtazapraŭkaj u Łuhansku), a paśla jon zaniaŭ chlebnaje ŭ janukovickaj sistemie miesca inśpiektara Inśpiekcyi pa abaronie pravoŭ spažyŭcoŭ.
Paśla abviaščeńnia Łuhanskaj narodnaj respubliki inśpiektar stanie ministram abarony. A paśla deciercirstva samaabvieščanaha premjera Bołatava jamu budzie prapanavana ŭznačalić utvareńnie, jakoje ŭkrainskija ŭłady ličać terarystyčnym.