Pa imieni Gremlin: chakiery paviedamili pra asabisty tvitar-akaŭnt Miadźviedzieva
Pradstaŭniki zabłakavanaha na terytoryi Rasii błoha «Šałtaj-Bałtaj» raspaviali sajtu Look At Me, što ŭ staršyni ŭrada Rasii Dźmitryja Miadźviedzieva, aproč aficyjnaha akaŭnta ŭ Twitter (uzłamanaha ŭ minuły čaćvier), jość jašče i asabisty, jaki jon u asnoŭnym vykarystoŭvaje dla čytańnia inšych błohieraŭ.
Hety rachunak padpisany ŭ tym liku na mikrabłohi Michaiła Chadarkoŭskaha, Alaksieja Navalnaha, Marharyty Simańjan, Alaksieja Vieniadziktava, Siarhieja Minajeva, Aleha Kašyna, Haryka Charłamava, Michaiła Hałuściana i Paŭła Voli.
Sam uładalnik akaŭnta pakinuŭ u im usiaho piać tvitaŭ. Apošni datujecca 16 červienia. «Viarnuŭsia!», — napisana ŭ mikrabłohu.
Aŭtary «Šałtaj-Bałtaj» paviedamili, što ŭ Miadźviedzieva jość taksama i zakryty profil u «Vkontaktie». Jany zajaŭlajuć, što dostup da hetaj infarmacyi atrymali praz «ajfony» premjera. Pa ich słovach, zaraz ich hrupoŭku sprabujuć vyličyć rasijskija śpiecsłužby.