Ustanoŭleny terminy zboru bruśnic i žuravin u dvuch rehijonach Biełarusi
U Viciebskaj i Minskaj abłaściach ustanoŭleny terminy zboru, narychtoŭki (zakupki) dzikarosłych jahad bruśnic i žuravin u 2014 hodzie. Adpaviednyja rašeńni pryniali abłasnyja vykanaŭčyja kamitety.
Jak paviedamiła pres-słužba Ministerstva lasnoj haspadarki, na terytoryi Viciebskaj vobłaści źbirać bruśnicy dazvolena z 16 žniŭnia, žuraviny — z 25 žniŭnia. U Minskaj vobłaści zbor bruśnic dazvoleny z 22 žniŭnia, žuravin — z 6 vieraśnia.
Kantrol za vykanańniem terminaŭ i praviłaŭ zboru, narychtoŭki (zakupki) jahad uskładzieny na rajvykankamy, dziaržaŭnyja vytvorčyja lesahaspadarčyja abjadnańni i terytaryjalnyja orhany Minpryrody.