MTS pavyšaje ceny na pasłuhi i spyniaje absłuhoŭvańnie niekatorych taryfnych płanaŭ
STAA «MTS» pavyšaje košt pasłuh suviazi i spyniaje absłuhoŭvańnie niekatorych taryfnych płanaŭ z 1 vieraśnia 2014 hoda, paviedamili ŭ pres-słužbie apieratara.
«Karekciroŭka abumoŭlena ŭzroŭniem inflacyi, rostam kursa dołara i zakranie štomiesiačnuju płatu, hałasavyja vykliki ŭnutry sietki i na numary inšych apierataraŭ na bolšaści taryfnych płanaŭ, pasłuh roŭminhu, a taksama prahramy «MTS-Bonus», — paviedamili ŭ pres-słužbie.
Pry hetym nie źmieniacca košt mabilnaha internetu i ŭmovy płaty za nabytaje ŭ rasterminoŭku abstalavańnie. Raniejšymi zastanucca i ŭmovy dla karystalnikaŭ sacyjalnych taryfnych płanaŭ «Blizki. Dla piensijanieraŭ», «Asablivy» i «Dziciačy».
Jak adznačyli ŭ pres-słužbie, paśla padaražańnia raschody abanientaŭ MTS na pasłuhi suviazi ŭ siarednim pavialičacca na 6 pracentaŭ.
Z 1 vieraśnia MTS spyniaje absłuhoŭvańnie taryfnych płanaŭ «Džyns 007» i «Supier Džyns» pa pryčynie straty ich aktualnaści. Taryfikacyja pasłuh dla hetych abanientaŭ budzie prachodzić pa ŭmovach taryfaŭ «Džyns 007 61» i «Supier Džyns 61» adpaviedna.