Mytnyja orhany Biełarusi i Rasii ŭzhadnili dziejańni va ŭmovach rasijskaha embarha
Dziaržaŭny mytny kamitet Biełarusi i Fiederalnaja mytnaja słužba Rasii vypracavali padychody, što prymianiajucca pry mytnym administravańni tavaraŭ, zabaronienych da ŭvozu ŭ Rasijskuju Fiederacyju, pry ich pieramiaščeńni praź biełaruski ŭčastak hranicy Mytnaha sajuza, paviedamili ŭ pres-słužbie DMK.
«Dziaržaŭnym mytnym kamitetam Biełarusi i Fiederalnaj mytnaj słužbaj Rasii realizavany mierapryjemstvy pa vyklučeńni vypadkaŭ tranzitu zabaronienaj pradukcyi praz terytoryju Respubliki Biełaruś u Rasijskuju Fiederacyju», — padkreślili ŭ pres-słužbie.
Dasiahnutyja damoŭlenaści adpaviadajuć mižnarodnym abaviazacielstvam Biełarusi i nie stvarajuć pieraškod dla zakonnaha pieramiaščeńnia tavaraŭ praź biełaruskuju hranicu ź Jeŭrapiejskaha sajuza i Ukrainy.
Pavodle infarmacyi pres-słužby DMK, pry administravańni tranzitnych patokaŭ u Rasiju biełaruskija mytnyja orhany vykonvajuć asobnyja zapyty rasijskich mytnych orhanaŭ, u tym liku adnosna tavaraŭ, zabaronienych da ŭvozu ŭ Rasijskuju Fiederacyju.
Pa ŭzhadnieńni z FMS prymajucca rašeńni ab formach mytnaha kantrolu, mahčymaści dalejšaha pieramiaščeńnia tavaraŭ u Rasiju abo viartańnia na sumiežnuju terytoryju.
«Štodzionny manitorynh pastavak z-za miažy na ŭnutrany rynak Respubliki Biełaruś miasnoj, rybnaj, małočnaj i płodaaharodninnaj pradukcyi śviedčyć ab adsutnaści značnych źmianieńniaŭ u jaho abjomach i struktury», — adznačyli ŭ Dziaržaŭnym mytnym kamitecie.-