Tolki dva z napadnikaŭ na Łomacia trapiać u turmu
Siońnia Viarchoŭny sud vynies prysud u spravie pa źbićci staršyni Kamitetu dziaržaŭnaha kantrolu.
Zianon Łomać |
Nahadajem, što incydent adbyŭsia ŭ lipieni ŭ Mahilovie. Naprykancy kastryčnika hieneralny prakuror Piotr Mikłaševič paviedamiŭ, što da kryminalnaj adkaznaści ŭ spravie źbićcia Łomacia buduć pryciahnutyja try supracoŭniki KDB, a taksama supracoŭnik Rady biaśpieki. Pryčym, tolki dvoje z abvinavačanych znachodzilisia za kratami. Imiony padsudnych nie nazyvalisia da siońniašniaha dnia. Sudovy praces pa hetaj spravie pačaŭsia 5 listapada i prachodziŭ pry začynienymi dźviaryma.
Jak paviedamlaje Radyjo «Racyja» , u vyniku prysudu Siarhiej Narkievič atrymaŭ 5 hadoŭ kalonii ŭzmocnienaha režymu, Alaksandar Arłoŭski — dva hady, Jury Zahorski i Siarhiej Manajeŭ — abmiežavańni pa słužbie. Im inkryminavałasia parušeńnie art. 445 KK «Pieravyšeńnie ŭłady i słužbovych paŭnamoctvaŭ z prymianieńniem siły».