Biełaruś apiaredziła ZŠA i Indyju pa eksparcie kampjutarnych pasłuh na dušu nasielnictva
Pa vynikach minułaha hoda abjom ekspartu kampjuternych pasłuh Biełarusi skłaŭ kala 60 dalaraŭ na dušu nasielnictva, pry hetym u Indyi hety pakazčyk byŭ roŭny 41 dołar, u ZŠA — 36 dalaraŭ.
Za 2013 hod u Biełarusi salda kampjutarnych pasłuh pieravysiła 480 młn dalaraŭ. «Heta značyć, što va ŭkaranieńni sučasnych technałohij u našu ekanomiku my abapirajemsia pierš za ŭsio na ŭłasnyja siły i nie traplajem u zaležnaść ad transnacyjanalnych karparacyj, čym ciapier, naprykład, zakłapočanyja našy rasijskija kalehi», — raspavioŭ namieśnik ministra suviazi i infarmatyzacyi Dźmitryj Šadko.
«Važna razumieć, što za hetymi ličbami staić praca tysiač ludziej i heta nie niejki asobny razavy prajekt. Heta pastupalny ruch Biełarusi da pieršych radkoŭ suśvietnaha rejtynhu. Tamu jość usie padstavy mierkavać, što pa vynikach 2015 Biełaruś uvojdzie ŭ tryccatku krain z vysokim uzroŭniem raźvićcia infarmacyjna-kamunikacyjnych technałohij», — adznačyŭ Dźmitryj Šadko. Najbujniejšym pastaŭščykom kamputarnych pasłuh u Biełarusi źjaŭlajecca Park vysokich technałohij.
U 2013 hodzie abjom ekspartu skłaŭ $ 446,7 młn, ci bolš za 80% ad ahulnaha pakazčyka pa respublicy. Za pieršaje paŭhodździe 2014 PVT ekspartavaŭ prahramnaha zabieśpiačeńnia i pasłuh na 246,1 miljona dalaraŭ.