Biuro nacbiaśpieki Polščy: Dziaržavy NATA zmohuć pradać Ukrainie zbroju, kali jana paprosić
Abjadnanyja ŭ vajenna-palityčny błok NATA dziaržavy mohuć pradać Ukrainie nieabchodnaje joj dla baraćby ź sieparatystami ŭzbrajeńnie. Takoje mahčyma, kali ŭkrainskaja ŭłada źvierniecca z takoj prośbaj na bližejšym samicie aljansu ŭ pačatku vieraśnia ŭ Vialikabrytanii.
Takoje mierkavańnie vykazaŭ kiraŭnik Biuro nacyjanalnaj biaśpieki Polščy (BBN) Stanisłaŭ Koziej.
«Heta budzie zaležać ad taho, ci paprosić pra heta prezident Ukrainy na pasiadžeńni kamiteta Ukraina-NATA, ci nie», — skazaŭ Koziej, kamientujučy mahčymy prodaž zbroi ŭkraincam.
Jon adznačyŭ, što zachodnija krainy, jakija ŭvachodziać u NATA, mohuć pradać zbroju Ukrainie i biez ŭzhadnieńnia ź inšymi krainami Aljansu, adnak adznačyŭ, što takoje rašeńnie lepš prymać razam, čym paasobku.
«Dziaržavy-siabry NATA nie pavinny atrymlivać zhodu Aljansu, bo sprava zbroi, jaho prodažu stavicca da nacyjanalnych kampietencyj», — skazaŭ jon.
Kiraŭnik BBN, što źjaŭlajecca daradčym orhanam prezidenta Polščy i anałaham Savieta nacyjanalnaj biaśpieki i abarony Ukrainy, skazaŭ, što jon asabista nie bačyć nijakich pryčyn, čamu b zachodnim dziaržavam nie pradać zbroju ŭkraincam.
«Niama nijakich supraćpakazańniaŭ, kab pradavać Ukrainie zbroju. Tym bolš, što druhi bok pastajanna atrymlivaje novaje ŭzbrajeńnie», — skazaŭ Koziej, adnačasova papiaredziŭšy, što heta jaho pryvatnaje mierkavańnie.
Koziej adznačyŭ, što pieradača samoha ŭzbrajeńnia, u zaležnaści ad vyhladu, moža zaniać ad «niekalkich dzion».