KDB abnaviŭ svoj sajt
Sajt Kamiteta dziaržbiaśpieki Biełarusi 1 vieraśnia źmianiŭ dyzajn. Staruju viersiju sajta KDB raspracoŭvała dyzajn-studyja Astronim *, raspracoŭščyk novaj viersii nie nazyvajecca.
Pry ŭvachodzie na sajt http://kgb.by/ karystalnik aŭtamatyčna nakiroŭvajecca na rasijskamoŭnuju viersiju staronki, isnujuć taksama biełaruskaja i anhlijskaja viersii (apošniaja składajecca z adnoj staronki z ahulnaj infarmacyjaj i kantaktami). Taksama dastupnaja viersija dla smartfonaŭ i adaptavany dyzajn dla ludziej sa słabym zrokam.
Centralnaje miesca na hałoŭnaj staroncy zajmaje infarmacyja pra Kamitet. Na bačnym miescy ŭ «šapcy» sajta telefon davieru (8-017 219-92-99), spasyłki na karotkuju infarmacyju pra kiraŭnictva, paviedamleńni pres-słužby, infarmacyju pra atrymańnie źviestak z centralnaha archiva i radok pošuku. U bakavym mieniu — padrabiaznaja infarmacyja pra KDB, raździeły «Kontrterarystyčnaja dziejnaść», «KDB i presa», «Zakanadaŭstva», «Zvaroty hramadzian i jurydyčnych asobaŭ», «Daviedačnaja infarmacyja», a taksama infarmacyja ab pryjomie hramadzian.