Z 17 vieraśnia pražytačny minimum raźličvajecca pa-novamu
Urad Biełarusi zaćvierdziŭ pražytačny minimum dla asnoŭnych sacyjalna-demahrafičnych hrup nasielnictva i Pałažeńnie ab paradku raźliku biudžetu pražytačnaha minimumu pa asnoŭnych sacyjalna-demahrafičnych hrupach i ŭ siarednim na dušu nasielnictva. Takoje rašeńnie źmiaščajecca ŭ pastanovie Savieta Ministraŭ ad 4 vieraśnia 2014 hoda №865, jakaja ŭstupaje ŭ siłu z 17 vieraśnia, paviedamili ŭ pres-słužbie biełaruskaha ŭrada.
Jak adznačyła načalnik upraŭleńnia kompleksnaha analizu Ministerstva pracy i sacyjalnaj abarony Taćciana Juškievič, pastanova №865 raspracavana ŭ adpaviednaści z artykułam 5 zakona «Ab ŭniasieńnie źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańniach vyznačeńnia pražytačnaha minimumu».
Ciapier pražytačny minimum składajecca ź minimalnych naboraŭ praduktaŭ charčavańnia dla asnoŭnych sacyjalna-demahrafičnych hrup nasielnictva; niecharčovych tavaraŭ i pasłuh, košt jakich vyznačany jak fiksavanaja dola ŭ pamiery 77% ad koštu minimalnaja naboru praduktaŭ charčavańnia.
«Nabory praduktaŭ charčavańnia sfarmiravany na asnovie normaŭ fizijałahičnych patrebaŭ u charčovych rečyvach i enierhii dla roznych hrup darosłaha i dziciačaha nasielnictva. Praduktovyja nabory adpaviadajuć patrabavańniam racyjanalnaha charčavańnia i zachoŭvajuć nieabchodnuju enierhietyčnuju kaštoŭnaść i chimičny skład, — patłumačyła pradstaŭnik ministerstva. — Fiksavanaja častka vyznačana na padstavie aficyjnaj statystyčnaj infarmacyi Biełstata ab faktyčnych spažyvieckich vydatkach małazabiaśpiečanych chatnich haspadarak pa apošnija piać hadoŭ (z 2009 pa 2013 uklučna), a taksama za pieršy kvartał biahučaha hoda».
Pavodle jaje słoŭ, dla vyznačeńnia fiksavanaje doli niecharčovych tavaraŭ i pasłuh uličvalisia takija spažyvieckija artykuły vydatkaŭ małazabiaśpiečanych chatnich haspadarak, jak vydatki na adzieńnie, abutak, tkaniny; mebla, pradmiety bytavoha pryznačeńnia; asabistyja pasłuhi, pradmiety asabistaha karystańnia; žyllova-kamunalnyja pasłuhi; achova zdaroŭja; pasłuhi adukacyi; pasłuhi hramadskaha transpartu; suviaź.
Pałažeńniem vyznačany paradak raźliku biudžetu pražytačnaha minimumu (BPM), zamacoŭvajecca pieryjad dziejańnia BPM pry jaho štokvartalna zaćviardžeńnie Ministerstva pracy i sacyjalnaj abarony (da ciapierašniaha času BPM zaćviardžaŭsia rašeńniem urada).
Ministerstvam pracy i sacyjalnaj abarony BPM pa asnoŭnych sacyjalna-demahrafičnych hrupach i ŭ siarednim na dušu nasielnictva budzie zaćviardžacca (jak i raniej uradam) u cenach apošniaha miesiaca kožnaha kvartała. Tak, BPM na pieryjad z 1 lutaha pa 30 krasavika — u cenach śniežnia; z 1 maja pa 31 lipienia — u cenach sakavika; z 1 žniŭnia pa 31 kastryčnika — u cenach červienia; z 1 listapada pa 31 studzienia — u cenach vieraśnia.
BPM raźličvajecca dla šaści asnoŭnych sacyjalna-demahrafičnych hrup nasielnictva: pracazdolnaje nasielnictva; piensijaniery; studenty; dzieci va ŭzroście da 3 hadoŭ; ad 3 da 6 hadoŭ; ad 6 da 18 hadoŭ.
U jakaści biudžetu pražytačnaha minimumu ŭ siarednim na dušu nasielnictva prymajecca siaredniedušavy biudžet pražytačnaha minimumu siamji z čatyroch čałaviek.
Košt praduktaŭ charčavańnia, uklučany ŭ BPM u siarednim na dušu nasielnictva, vyznačajecca jak košt minimalnaha naboru praduktaŭ charčavańnia dla siamji z čatyroch čałaviek (mužčyny pracazdolnaha ŭzrostu, žančyny pracazdolnaha ŭzrostu, chłopčyka va ŭzroście 13 hadoŭ i dziaŭčynki va ŭzroście 7 hadoŭ).
Paradak raźliku vydatkaŭ na ŭnioski i płaciažy nie źmianiŭsia dla BPM u siarednim na dušu nasielnictva i dla BPM pracazdolnaha nasielnictva.