Šviedskija navukoŭcy: Miod efiektyŭniejšy za antybijotyki, ale tolki kali žyvy
Šviedskija navukoŭcy razabralisia, čym mienavita miod karysny dla zdaroŭja, i jakija rečyvy zabiaśpiečvajuć jaho bakterycydnyja ŭłaścivaści.
Heta ŭnikalnaja hrupa z 13 małočnakisłych bakteryj, jakija traplajuć u miod ź miadovaha vallačka pčoł. Pra novy adkryćci piša časopis International Wound Journal.
U łabaratornych umovach hetyja bakteryi byli vyprabavanyja na niekalkich niebiaśpiečnych patahiennych arhanizmach: mietycylin-rezistentnym załacistym stafiłakoku, siniehnojnaj pałačcy i vankamicinarezistientnym enterakoku, u liku inšych. Usie hetyja mikroby byli źniščany dziakujučy aktyŭnym złučeńniam, što vydzialajucca małočnakisłymi bakteryjami.
Potym navukoŭcy pierajšli da dośledaŭ pa-za ścienami łabaratoryi i zmazali śviežym miodam niezahojnyja rany niekalkich koniej (ich uładalniki biespaśpiachova sprabavali vykarystać dla lačeńnia žyvioł roznyja preparaty). U vyniku ŭsie jazvy vylečylisia.
Na dumku daśledčykaŭ, sakret efiektyŭnaści miodu — u šyrokim dyjapazonie dziejučych rečyvaŭ. «U antybijotykach zvyčajna prysutničaje tolki adno takoje rečyva, a 13 małočnakisłych bakteryj zdolnyja padbirać patrebny «kaktejl» u zaležnaści ad pahrozy. Šmat miljonaŭ hadoŭ jany abaraniajuć pčoł i ich miod ad škodnych mikraarhanizmaŭ. Adnak u miodzie, jaki pradajecca ŭ kramach, žyvych bakteryj niama, što vielmi mocna asłablaje jaho antymikrobnyja ŭłaścivaści», — raspavioŭ adzin z aŭtaraŭ daśledavańnia Tobijas Ołafsan.
Tym nie mienš, rezistentnaść chvarobatvornych bakteryj da antybijotykaŭ, jakaja niaŭchilna raście, robić miedycynskaje vykarystańnie «žyvoha» miodu vielmi aktualnym, adznačajuć navukoŭcy.