Ministr infarmacyi: Ideałohija — naša štodzionnaje žyćcio, jana paŭsiul
Lilija Ananič, fota Siarhieja Hudzilina
Pra heta ministr infarmacyi Lilija Ananič zajaviła siońnia na pasiadžeńni administracyi Leninskaha rajona, dzie išła razmova pra stan ideałahičnaj raboty z nasielnictvam pa miescy žycharstva, vučoby, pracy i šlachach jaje ŭdaskanaleńnia.
«Ideałohija — samaje važnaje pytańnie, jakoje pavinna abmiarkoŭvacca ŭ kožnym pracoŭnym kalektyvie, kožnym kiraŭnikom. I nie raz u dva hady, a stała być u poli zroku, — skazała Ł. Ananič.
— Bo ideałohija — heta naša štodzionnaje žyćcio. Jano paŭsiul — u kramie, na spažyvieckaj palicy, u biblijatecy, kudy prychodzić dzicia, na pradpryjemstvie, dzie my atrymlivajem zarobak.
U nas cudoŭnaja kraina, pryhožaja moładź i staryja, jakija hetym hanaracca. Ale nam, ideołaham, varta jašče bolš uvahi nadavać patryjatyčnamu vychavańniu moładzi.
Treba, kab kala muzieja Vialikaj Ajčynnaj vajny, naprykład, stajała čarha aŭtobusaŭ z usich kutkoŭ Biełarusi: viosak, pasiołkaŭ, haradoŭ. Kab jaho naviedvali i školniki, i pracoŭnyja kalektyvy pradpryjemstvaŭ, u tym liku minskich, zapatrabavała Ananič.