Sektanty z-pad Pienzy ŭžo ŭ Biełarusi
Šaściora biełarusaŭ, jakija čakali kanca śvietu ŭ pakinutym domie ŭ Pienzienskaj vobłaści, vysłanyja na radzimu.
Šeść hramadzianaŭ Biełarusi, jakija čakali kanca śvietu ŭ pakinutym domie ŭ siale Nikolskaje Biekaŭskaha rajonu Pienzienskaj vobłaści, vysłanyja na radzimu. Takoje rašeńnie pryniaŭ sud Pienzy na padstavie adsutnaści ŭ ich rehistracyi pa miescy znachodžańnia.
Pavodle źviestak pravaachoŭčych orhanaŭ, biełaruskija hramadzianie, u liku jakich troje dziaciej, užo pierasiakli miažu Biełarusi. Usie jany žychary Žabinskaha rajonu Bieraściejskaj vobłaści.
U Nikolskim zastajecca hrupa sektantaŭ, jakija zamuravali siabie ŭ padziemji ŭ čakańni kanca śvietu. Siarod ich taksama jość hramadzianie Biełarusi. U dačynieńni da kiraŭnika sekty Piatra Kuźniacova ŭsčataja kryminalnaja sprava za arhanizacyju abjadnańnia, jakoje robić zamach na asobu i pravy hramadzian. Ciapier jon prachodzić abśledavańnie ŭ psychijatryčnaj klinicy.