Čempijonu-amputantu Pistoryusu siońnia budzie vyniesieny prysud za zabojstva siabroŭki
Paŭdniovaafrykanski lohkaatlet-amputant Oskar Pistoryus prybyŭ u sud Pretoryi, dzie ŭ čaćvier budzie abvieščany vierdykt pa jaho abvinavačvańni ŭ zabojstvie svajoj siabroŭki Revy Stenkamp.
Akramia Pistoryusa ŭ sud prybyli jaho advakat Bary Ru, brat Karł i baćki Revy Stenkamp Bary i Džun.
Trahiedyja adbyłasia 14 lutaha 2013 hoda ŭ domie lohkaatleta. Jak pisali miascovyja ŚMI, Stenkamp źbirałasia zrabić maładomu čałavieku siurpryz na Dzień śviatoha Valancina. Jon, u svaju čarhu, pryniaŭ jaje za rabaŭnika i streliŭ niekalki razoŭ. Dziaŭčyna atrymała ranieńni ŭ vobłaść hałavy, ruk i hrudziej.
Słuchańni pa spravie, jakija pačalisia 3 sakavika 2014 hoda ŭ Pretoryi i nadalej niekalki razoŭ pa roznych pryčynach pieranosilisia, zaviaršylisia 8 žniŭnia. Pistoryusu pahražaje 25 hadoŭ turmy, kali budzie dakazana, što zabojstva było naŭmysnym.
Reuters.com
Oskar Pistoryus — paŭdniovaafrykanski biahun-amputant, šaścirazovy čempijon Paralimpijskich hulniaŭ, jaki vystupaŭ i ŭ spabornictvach z udziełam paŭnavartasnych spartsmienaŭ. Siarebrany miedalist čempijanatu śvietu 2011 hoda ŭ estafiecie 4ch 400 mietraŭ.