Natalla Piatkievič: u daktaroŭ taksama byvajuć prajaŭleńni biurakratyi
N. Piatkievič: «Žyćcio dziaržavy pavinna być debiurakratyzavanaje pa ŭsich napramkach — jak u adnosinach pamiž dziaržaŭnymi ŭstanovami i kankretnymi hramadzianami, tak i va ŭzajemadziejańni pamiž samimi dziaržorhanami».
Natalla Piatkievič |
«Usie dasiahnieńni dziaržavy ŭ sacyjalnaj śfiery mohuć być źviedzieny na ništo, kali čałaviek vymušany budzie biezvynikova kidacca pa vialikaj kolkaści kabinietaŭ, kali pierad im buduć zakryvać dźviery čynoŭniki, kali ŭ adkaz na zvarot jon atrymaje farmalnuju adpisku», — adznačyła Natalla Piatkievič.
Pavodle jaje słoŭ, dla taho kab Biełaruś była sapraŭdnaj dziaržavaj dla naroda, nieabchodna, kab kožny čałaviek dobrasumlenna vykonvaŭ rabotu na svaim miescy. «Tamu što biurakratyzm moža prajaŭlacca nie tolki siarod čynoŭnikaŭ. Urač, jaki zamiest taho kab lačyć čałavieka, prajaŭlaje chamstva i abyjakavaść, apraŭdvajučysia pry hetym nizkaj zarpłataj, — što heta, jak nie prajaŭleńnie biurakratyi?» — skazała namieśnik kiraŭnika prezidenckaj Adminstracyi.
Natalla Piatkievič nahadała, što na ŭdaskanaleńnie baraćby ź biurakratyzmam nakiravany ŭkaz prezidenta «Ab dadatkovych mierach pa rabocie sa zvarotami hramadzian i jurydyčnych asob», jaki ŭstupić u siłu z 15 studzienia budučaha hoda. Adnoj z klučavych pryčyn źjaŭleńnia hetaha ŭkaza, pavodle słoŭ namieśnika kiraŭnika prezidenckaj Administracyi, stała źjaŭleńnie dysbałansu ŭ ijerarchii razhladu zvarotaŭ u dziaržorhany fizičnych i jurydyčnych asob.
«Štohod ad hramadzian da prezidenta krainy pastupaje kala 30 tys. zvarotaŭ. Ich razhlad pakazvaje, što 70 pracentaŭ ź ich mahli być vyrašany nižejstajačymi instancyjami. I, jak paćviardžajuć pravierki, pieravažnaja bolšaść skarhaŭ hramadzian — spraviadlivyja», — adznačyła Natalla Piatkievič. U suviazi z hetym, rastłumačyła jana, ukaz kiraŭnika dziaržavy pavyšaje adkaznaść dziaržsłužačych za nieapraŭdany nierazhlad zvarotu ŭ pieršaj instancyi.