Oskar Pistoryus pryznany vinavatym u pryčynieńni śmierci pa nieaściarožnaści
EPA/ALON SKUY
Paŭdniovaafrykanski lohkaatlet-paralimpijec Oskar Pistoryus, jaki abvinavačvajecca ŭ zabojstvie svajoj siabroŭki Revy Stenkamp, pryznany vinavatym u pryčynieńni śmierci pa nieaściarožnaści.
Takoje rašeńnie vyniesła sudździa Viarchoŭnaha suda paŭdniovaafrykanskaj Pretoryi Takazile Masipa padčas abviaščeńnia prysudu spartsmienu.
Taksama dakazanaja vina byłoha spartsmiena pa spravie ab vykarystańni zbroi ŭ publičnym miescy.
Były spartsmien byŭ pryznany nievinavatym ŭ niezakonnym zachoŭvańni zbroi, a taksama ź jaho źniatyja abvinavačvańni pa spravie ab stralbie ŭ aŭtamabili.
Słuchańni pa spravie pačalisia ŭ čaćvier. U chodzie pasiadžeńnia sudździa źviarnuła ŭvahu na toje, što spartsmien nie moža być pryznany vinavatym u zabojstvie svajoj siabroŭki, bo abvinavačańnie nie zdoleła pierakanaŭča dakazać, što padazravany naŭmysna pajšoŭ na złačynstva.
U noč na 14 lutaha 2013 h. Pistoryus va ŭłasnym domie zastreliŭ Stenkamp praz začynienyja dźviery ŭ pakoj vannaj. Spartsmien śćviardžaje, što ździejśniŭ zabojstva vypadkova, pryniaŭšy siabroŭku za rabaŭnika. Paŭdniovaafrykanskaja presa paviedamlała, što Stenkamp źbirałasia zrabić Pistoryusu siurpryz z nahody śviata.