Ukrainiec, jakoha prahnali jak vajennapałonnaha pa Daniecku: Adnamu z nas adrezali hałavu VIDEA
Ukrainski vajskoviec jaki pabyvaŭ u pałonie ŭ terarystaŭ, raspavioŭ pra źvierstvy bajevikoŭ, paviedamlaje Cienzor.Niet sa spasyłkaj na hromadske.tv.
«Jany nie ludzi, a źviary», — kaža ŭkrainski vajskoviec pra bajevikoŭ «DNR», jakija katavali jaho ŭ pałonie. «Samaje strašnaje, kali adkryvałasia jama, dzie ja siadzieŭ».
Aleh z tych, chto byŭ na paradzie vajennapałonnych u Daniecku ŭ Dzień niezaležnaści Ukrainy. Jon paćvierdziŭ, što na svaje vočy bačyŭ, jak adnamu z vajennych, jaki admoviŭsia stanavicca na kaleni, adrezali hałavu.
Ale kazać pra heta ŭhołas bolš nie choča — ciažka. Paprasiŭ nie pakazvać jaho tvar.
Sam jon rodam z Danietčyny, tam žyła jaho siamja. Ciapier im niama kudy viartacca.
Aleha i jašče 19 ukrainskich vajskoŭcaŭ u siaredzinie vieraśnia pamianiali na adnaho «deeneraŭca».
U intervju Aleh raspavioŭ nie tolki pra katavańni, rabskuju pracu, rasstreły pałonnych, ale i pra sotni čačencaŭ, jakija byli na bazie ŭ Daniecku, dzie jaho ŭtrymlivali. Aleh raspavioŭ pra toje, što siarod bajevikoŭ paznaŭ ludziej, jakija ŭ svoj čas pryjazdžali na strelbišča ŭ Daniecku razam sa śpiecpadraździaleńniem «Alfa», ab kryminalnaj ijerarchii «DNR» i ziemlakach, jakija «zdali jaho jak «ukropa».