U aŭtorak pačniecca sud nad byłym hiendyrektaram «Barysaŭdreva»
Łukašenka padčas naviedvańnia «Barysaŭdreva», Uładzimir Malcaŭ — źleva, fota BiełTA
Sudovy praces pa kryminalnaj spravie byłoha kiraŭnika «Barysaŭdreva» pačniecca 23 vieraśnia ŭ Minskim abłasnym sudzie, paviedamili BiełTA ŭ pres-słužbie Viarchoŭnaha suda Biełarusi.
Były hienieralny dyrektar pradpryjemstva Uładzimir Malcaŭ abvinavačvajecca pa č.3 art.424 KK Biełarusi.
Top-mieniedžar abvinavačvajecca ŭ złoŭžyvańni słužbovymi paŭnamoctvami ŭ chodzie vykanańnia dziaržprahramy pa madernizacyi pradpryjemstva, jakoje pryviało da ciažkich nastupstvaŭ u vyhladzie naniasieńnia ŭronu ŭ asabliva bujnym pamiery na sumu zvyš Br18 młrd. Taksama siarod nastupstvaŭ dziejańniaŭ hiendyrektara — zryŭ terminaŭ pa realizacyi dziaržaŭnaj prahramy pa madernizacyi.