Novaja Ziełandyja praviadzie refierendum ab źmienie ściaha
Adna z prapanoŭ - zamiena brytanskaha ściaha na paparać — simvał Novaj Ziełandyi
Urad Novaj Ziełandyi płanuje refierendum ab dziaržaŭnym ściahu krainy, paviedamlaje Fox News. Pra heta zajaviŭ premjer-ministr krainy Džon Kiej. Pa słovach premjera, refierendum projdzie ŭ 2015 hodzie.
Nacyjanalnaja partyja, jakuju pradstaŭlaje novaziełandski premjer, pieramahła na parłamienckich vybarach u subotu, nabraŭšy 48% hałasoŭ vybarščykaŭ. Refierendum ab źmienie ściaha byŭ adnym z punktaŭ pieradvybarnaj prahramy Kieja, hetaja ideja była vyłučana ŭ sakaviku.
Na ciapierašnim ściahu Novaj Ziełandyi, zaćvierdžanym u 1902 hodzie, — čatyry čyrvonyja zorki, jakija simvalizujuć suzorje Paŭdniovy kryž, a taksama ściah Vialikabrytanii ŭ vierchnim levym kucie.
Apanienty hetaha ściaha ŭkazvajuć, pa-pieršaje, na zaležnaść ad Vialikabrytanii, a pa-druhoje, na padabienstva z aŭstralijskim ściaham, z-za čaho ich časta błytajuć.