Pucin padkazaŭ: hierojem prahramy «Spokojnoj noči, małyši!» stanie tyhr «Mur»
Novym hierojem papularnaj rasijskaj dziciačaj pieradačy «Spokojnoj noči, małyši!» stanie tyhr, abviaściŭ staršynia savieta dyrektaraŭ telekampanii «KŁAS!» Alaksandr Mitrašenkaŭ.
Tyhrania źjavicca ŭ efiry kanała «Rośsija 1» u kancy kastryčnika, da 50-hadovaha jubileju prahramy. U adroźnieńnie ad astatnich piersanažaŭ budzie vykanany ŭ technicy 3D-animacyi.
Pa słovach Mitrašenkava, ideju źjaŭleńnia novaha hieroja pieradačy padkazaŭ rasijski prezident Uładzimir Pucin.
«Było šmat roznych idej, siarod jakich vaŭčania, małpačka i žyraf, moža być, koń», — apisaŭ jon praces, u vyniku jakoha spynilisia na tyhry.
U mai rasijskija ŚMI paviedamlali, što kiraŭnik rasijskaj dziaržavy vypuściŭ na volu traich asiraciełych amurskich tyhraniataŭ, jakich u zakaźniku padrychtavali da samastojnaha žyćcia va ŭmovach dzikaj pryrody.
Mitrašenka zajaviŭ, što, kali hledačy ŭbačać piersanaža, «šmat kamu stanie zrazumieła, jakoje dačynieńnie prezident maje da hetaj historyi».
U vieraśni 2012 hoda Pucin ździejśniŭ navučalny palot na motadeltapłanie z čaradoj žuraŭloŭ-sterchaŭ. Metaj prajekta «Palot nadziei» było adnaŭleńnie papulacyi sterchaŭ, uniesienych u Čyrvonuju knihu.
Prahrama «Spokojnoj noči, małyši!» ŭ efiry ź vieraśnia 1964 hoda. Lalečnyja piersanažy mianialisia hod ad hoda. Na praciahu mnohich hadoŭ hałoŭnymi hierojami zastajucca Chruša, Ściapaška, Fila, Karkuša i Mišutka.