U Breście zatrymana pjanaja aŭtamabilistka, jakaja jechała ź dziciem
U Breście 21 vieraśnia była zatrymana pjanaja žančyna-vadziciel, jakaja jechała ź piacihadovym dziciem.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, aŭtamabil «DEU», jakim kiravała 34-hadovaja žycharka Kamianca, byŭ spynieny ŭ 23.50 na vulicy Lejtenanta Rabcava.
Stan vadziciela vyklikaŭ padazreńnie ŭ supracoŭnikaŭ bataljona darožna-patrulnaj słužby DAI. Miedycynski ahlad vyjaviŭ, što kancentracyja ałkaholu ŭ pary vydychanaha žančynaj pavietra składaje 1,4 pramile.
Pavodle słoŭ žančyny, jana była ź dziciem u Breście ŭ siabroŭ, dzie vypiła śpirtnoje i sieła za rul, kab jechać damoŭ.
U dačynieńni da žančyny składzieny administracyjny pratakoł. Ustanoŭlena, što 12 lipienia 2013 hoda jana taksama była zatrymana za kiravańnie transpartnym srodkam u stanie ałkaholnaha apjanieńnia.