Viktar Šnip. Nie kuplaj pistalet…
ch ch ch
Nie kuplaj pistalet,
Jon tabie nie spatrebicca.
Ty samotny paet
Choć ciapier nie biaschlebica.
Čorny tvoj čarnavik
La škarpetak valajecca.
Dzied tvoj byŭ balšavik,
Jon žyvy i nie kaicca.
Jon carkvu razburyŭ
I spaliŭ sinahohu.
Jon pra mir havaryŭ
I nie słuchaŭ nikoha.
Nie kuplaj pistalet,
Pistalet ža— nie cacka.
Čornym staŭ bieły śviet,
Ale ŭsio ŭ nas pa-bracku.
I tvoj śviet— kalidor,
Što viadzie ŭ prybiralniu.
Ja — nie tvoj prakuror,
Ja — nie tvoj ratavalnik.
Ja na pracu chadžu
I tabie heta śmiešna.
Ty na ścienach daždžu
Napisaŭ «NIEZALEŽNAŚĆ».
Nie kuplaj pistalet,
Bo jon nie dapamoža.
Lepš paklič na abied
Maładych i pryhožych
I svoj vierš pačytaj,
Dzie vino, nie biaschlebica.
Pistalet nie kuplaj,
Jon varjatam spatrebicca…
21.09.2014