SK rasśleduje akaličnaści vybuchu ŭ dačnym kaapieratyvie pad Homielem
Śledčym upraŭleńniem USK Biełarusi pa Homielskaj vobłaści raspačata sprava pa č. 3 art. 339 (asabliva złosnaje chulihanstva) Kryminalnaha kodeksa Biełarusi pa fakcie NZ u adnym z sadova-aharodnickich tavarystvaŭ Homielskaha rajona, dzie 20 vieraśnia spracavała nieŭstanoŭlenaje vybuchovaje prystasavańnie.
U vyniku vybuchu byŭ paškodžany fasad doma i aŭtamabil, paviedamiła aficyjny pradstaŭnik USK pa Homielskaj vobłaści Maryja Kryvanohava.
Padčas ahladu miesca zdareńnia znojdzieny elemienty vybuchovaha prystasavańnia. Pravodziacca nieabchodnyja ekśpiertyzy.
Supracoŭniki stvoranaj dla rasśledavańnia śledčaj hrupy va ŭzajemadziejańni z pravaachoŭnymi orhanami Homielskaj vobłaści pravodziać kompleks mierapryjemstvaŭ pa ŭstanaŭleńni asoby, datyčnaj da ŭčynieńnia złačynstva.