Marpiechi ZŠA mianiajuć techniku i mietady marskoha desantavańnia
U adpaviednaści z novymi instrukcyjami Korpusa marskoj piachoty ZŠA marskija desanty mohuć startavać za 65—100 milaŭ ad bierahu. Jany mohuć ažyćciaŭlacca nievialikimi siłami, jakija buduć vykarystoŭvać razryvy ŭ abaronie praciŭnika, piša sajt Defence News.
Takim čynam najbolš mahutnaje ŭ śviecie złučeńnie marskoj piachoty admaŭlajecca ad tradycyjnaj vysadki vialikich kantynhientaŭ na adnosna nievialikaj častcy bieraha.
«Ciapier my vajujem u bolš razhrupovanym paradku», — adznačyŭ pałkoŭnik Krys Vudbrydž, adzin z kiraŭnikoŭ kamandy, jakaja zajmajecca raspracoŭkaj novaj taktyki dla Korpusu marskoj piachoty.
Častkaj hetych płanaŭ źjaŭlajecca prahrama Amphibious Combat Vehicle (ACV) — Amfibijnaj bajavoj mašyny, jakaja budzie źmiaščać tolki 10 desantnikaŭ, u adroźnieńnie ad 17 u EFV (ekspedycyjnaja bajavaja mašyna), jakuju raspracoŭvali raniej.
Desantny BTR EFV raspracoŭki General Dynamics, jakoha adraklisia ŭ Korpusie marskoj piachoty:
Mašyna z desantnym adździaleńniem zmoža samastojna prajści jak minimum 12 mil pa mory z chutkaściu jak minimum 8 mil za hadzinu i być całkam intehravanaj u ahulnuju infarmacyjna-raźviedvalnuju sistemu. Na ziamli ACV musić manieŭravać z chutkaściu, nie mienšaj, čym tanki M1A1 Abrams, mieć uzbrajeńnie dastatkovaje dla źniščeńnia lohkaj braniatechniki i zabiaśpiečvać marpiechaŭ ahniavoj padtrymkaj.
Čakajecca, što da 2020 hodu Korpus marskoj piachoty ŭžo budzie mieć niekalki sotniaŭ ACV.
Apošnim časam marskaja piachota ZŠA nie pravodziła značnych bajavych desantnych aperacyjaŭ i vajuje ŭ krainach, dzie navat niama mora.
Apieracyja suprać bajevikoŭ u afhanskaj pravincyi Hilmiend, 2009 hod.
Novaja stratehija amerykanskich marpiechaŭ, jakija ŭ apošnija šmat hod zvykli pieramiaščacca i vajavać jak zvyčajnaja piachota, zhodna sa słovami Vudbrydža, budzie u bolšaj stupieni zasiarodžvacca mienavita na marskich desantach i kaardynacyi z fłotam, jak heta płanavałasia ŭ časy supraćstajańnia ZŠA i SSSR.