Stvaralniki «Bryhady» zdymuć film ab «dałučeńni» Kryma
A Vy b kamu davieryli rolu «kiraŭnika» Kryma Siarhieja «Hoblina» Aksionava?
Kinakampanija «Avatar film», viadomaja pa sieryjale «Bryhada», płanuje stvareńnie filma ab «dałučeńni» Kryma da Rasii pavodle scenara piśmieńnika Siarhieja Šarhunova, paviedamlaje lenta.ru.
Novaja nazva prajekta — «Mora chvalujecca». Raniej jon nazyvaŭsia «Dadomu». Karcina pavinna vyjści na ekrany ŭ listapadzie 2015 hoda.
U centry siužetu — historyja ab adnosinach ludziej, jakaja razhortvajecca ŭ lutym-sakaviku 2014 hoda ŭ Krymie.
Adnu z rolaŭ druhoha płana ŭ filmie prapanavali viadomamu režysioru Stanisłavu Havaruchinu. Pa słovach Šarhunova, jon pahadziŭsia syhrać dzieda, jaki pryjechaŭ na Majdan z Zachodniaj Ukrainy, žyvie ŭ namiocie i zładziŭ sabie tam maleńkaje siało.