Ahrakambinat «Ždanovičy» budzie hadavać čmialoŭ
Pra heta paviedamiŭ siońnia žurnalistam načalnik cecha pa vytvorčaści čmialoŭ i apyleńniu sielskahaspadarčych kultur ahrakambinata Ivan Klimko.
Pavodle acenak śpiecyjalistaŭ, patreba biełaruskaha rynku ŭ čmialach składaje 7-8 tys. čmialinych siemjaŭ u hod. Ich vykarystoŭvajuć dla apyleńnia raślin. «Z uvodam novaj łabaratoryi my zmožam zadavolić patreby ŭnutranaha rynku i, mahčyma, naładzić pastaŭki čmialoŭ na ekspart. Adkryć novuju łabaratoryju płanujem u 2015 hodzie», — raspavioŭ Ivan Klimko.
U ahrakambinacie ŭžo dziejničaje adna łabaratoryja pa pramysłovaj vytvorčaści čmialoŭ, jaje pradukcyjnaść składaje prykładna 2,5 tys. čmialinych siemjaŭ u hod. Na ŭłasnyja patreby pradpryjemstva vykarystoŭvajecca kala 1,7 tys. čmialinych siemjaŭ, astatniaje nakiroŭvajecca na prodaž. Adna čmialinaja siamja (70-80 asobin) ciapier kaštuje kala $65.
«Rentabielnaść prodažaŭ u minułym hodzie pieravysiła 100%. Dla pradpryjemstva heta surjozny impartazamiaščalny prajekt, pakolki na inšyja ciapličnyja kambinaty zavoziać čmialoŭ ź Bielhii, Izraila, Niderłandaŭ i inšych krain», — adznačyŭ Ivan Klimko.