Estonski parłamient lehalizavaŭ adnapołyja sajuzy
Estonski parłamient (Ryjhikohu) prahałasavaŭ za pryniaćcie Zakona ab sužyćci. Za pryniaćcie zakona prahałasavali 40 deputataŭ, suprać byli 38.
Da budynka parłamienta pryjšoŭ i lidar praciŭnikaŭ zakona Vara Vaahłajd z žonkaj i dziećmi, a taksama i šerah jaho prychilnikaŭ, jakija prynieśli płakaty.
Pryjšli i prychilniki zakona, jany prynieśli kvietki, jakimi chočuć padziakavam deputatam, što prahałasavali za pryniaćcie zakona.
Inicyjavany deputatami Ryjhikohu zakon dazvolić param, što nie znachodziacca ŭ šlubie (jak raznapołych, tak i adnapołych) rehistravać sumiesnaje žyćcio i rehulavać adnosiny adzin z adnym i z trecimi asobami. Zakonam buduć rehulavacca: paradak zaklučeńnia damovy ab sužyćci, pravy i abaviazki zarehistravanych sužycielaŭ i padstavy dla zaviaršeńnia sužyćcia. Damova budzie zaćviardžacca nataryusam i zanosicca ŭ rehistr.