Bajany na ekspart
Košt adnaho instrumenta, sabranaha ŭručnuju maładačanskimi majstrami, siahaje 27 miljonaŭ rubloŭ.
Pradukcyja, jakoj nikoli niama na składzie, ale huki jaje čuvać u dziesiatkach jeŭrapiejskich krain. Unikalnaje biełaruskaje pradpryjemstva pa vyrabie bajanaŭ znachodzicca ŭ Minskaj vobłaści. Muzyčnyja instrumienty z Maładziečna siońnia — mara luboha zasłužanaha kalektyvu.
Hledziačy na draŭlanyja narychtoŭki, pavieryć niemahčyma, što ŭ čarzie na ich atrymańnie siońnia — dziesiatki kalektyvaŭ ź Biełarusi i zamiežža. Maładziečanskaje pradpryjemstva — adzinaje ŭ krainie, jakoje vyrablaje bajany.
Na praciahu miesiaca možna zrabić usiaho dva‑try instrumienty. Ručnaja praca kalektyvu aceńvajecca jak dobraja inšamarka: košt bajana dachodzić da 27 miljonaŭ rubloŭ. Brend fabryki — levaja miechanika. Ustanaŭlivać jaje ŭ Maładziečna pryjazdžajuć virtuozy ź Ispanii, Danii, Polščy. Heta adzinaje pradpryjemstva ŭ śviecie, jakoje pieraviało bajan na kampjuternuju sistemu čarciažoŭ. Da hetaha kožny nastupny instrumient vyrablali pa ŭzory papiaredniaha.
Tut usio zaležyć ad słychu nastrojščyka. Ale bajan — vielmi kapryzny instrumient. Jaho «hołas» źmianiajecca ad nadvorja za aknom. Śpiecyjalistu prychodzicca ŭručnuju vystrojvać huk kožnaha z vaśmi sotniaŭ jazyčkoŭ.
Bajan składajecca z 12 tysiač detalaŭ, źbirajecca ŭručnuju i madelujecca pad peŭnaha čałavieka, jak vopratka. U sapraŭdnym bajanie — ni hrama elektroniki. Sintetyčny huk nieprymalny. Bajan adroźnivajecca ad luboha inšaha instrumienta tym, što jon z kožnym hodam udaskanalvajecca. Nierealnyja prajekty biełaruskich majstroŭ pieratvarajucca ŭ absalutna realnyja bajany XXI stahodździa.