Try čałavieki zahinuli ŭ DTZ na čyhunačnym pierajeździe ŭ Smalavickim rajonie
Try čałavieki zahinuli ŭ DTZ na čyhunačnym pierajeździe ŭ Smalavickim rajonie. Pra heta paviedamili ŭ pres-słužbie MNS Biełarusi.
«Siońnia kala 03.40 u MNS pastupiła paviedamleńnie ab DTZ na čyhunačnym pierajeździe ŭ rajonie vioski Šemietava Smalavickaha rajona (kirunak aeraporta). Na nierehulavanym čyhunačnym pierajeździe sutyknulisia aŭtamabil «Aŭdzi-100» i hruzavy ciahnik», — raspaviali ŭ viedamstvie.
Z aŭtamabila rabotniki MNS debłakavali traich zahinułych. «U vyniku darožna-transpartnaha zdareńnia ciepłavoz atrymaŭ niaznačnyja paškodžańni, čyhunačnaje pałatno nie paškodžana», — dadali ŭ pres-słužbie.