U Amierycy miedrabotnik zaraziŭsia Ebołaj, choć uvieś čas byŭ u achoŭnaj mascy
U Dałasie ŭ balnicy lačyli chvoraha libieryjca, ciapier paciahnuŭsia łancužok.
Miedrabotnik Techaskaj preśviteryjanskaj balnicy, jaki braŭ udzieł u lačeńni Tomasa Dankana — pieršaha čałavieka ŭ ZŠA, u jakoha była dyjahnastavana lichamanka Eboła — daŭ stanoŭčy vynik pry papiarednim teściravańni na virus, paviedamlaje Reuters.
Techaskaja preśviteryjanskaja balnica
Na praciahu ŭsiaho času lačeńnia Dankana, jaki pamior u minułuju sieradu, miedrabotnik nasiŭ achoŭny kaścium i masku. Adnak u piatnicu viečaram jon zajaviŭ ab lohkim pavyšeńni tempieratury. Jaho źmiaścili ŭ izalavanaje pamiaškańnie i ŭziali analizy kryvi.
«My viedali, što druhi vypadak zaražeńnia moža akazacca realnaściu, i rychtavalisia da hetaha», — zajaviŭ pradstaŭnik techaskaha departamienta achovy zdaroŭja Devid Łejki.
Lačeńniem pamierłaha pacyjenta zajmalisia ŭ ahulnaj kolkaści 48 čałaviek, adnak pakul nichto ź ich nie paviedamlaŭ pra padobnyja simptomy.
Imia miedrabotnika pakul nieviadomaje. Jon staŭ pieršym čałaviekam u ZŠA, jaki zaraziŭsia Ebołaj, nie pabyvaŭšy da hetaha ŭ Afrycy, dzie ŭspyška lichamanki ŭžo zabrała žyćci bolš jak 4000 čałaviek.