Kreml dla samych maleńkich: u Minsku źjaviŭsia «maskoŭski dvoryk»
Za damami 46–48 pa praśpiekcie Niezaležnaści ŭ Minsku źjaviŭsia «maskoŭski dvoryk».
Placoŭka była stvoranaja pa rasijskim prajekcie i za rasijskija srodki. Ab budaŭnictvie dadzienaj placoŭki damovilisia haradskija ŭłady Minska i Maskvy. U Maskvie, pavodle płanu, musić źjavicca «minski dvoryk».
«Maskoŭski dvoryk» dobraŭparadkavali kłumbami, hazonam, ustalavali łaŭki, dziciačyja atrakcyjony, vuličnyja trenažory.
Kampazicyjnym centram placoŭki stała dziciačaja horka, što vielmi nahadvaje maskoŭski Kreml.
Taksama vydzialajucca transfarmatarnyja budki, raśpisanyja pad chachłamu.
Jak budzie vyhladać «minski dvoryk» u Maskvie, pakul nieviadoma.