Vital Radzivonaŭ praciahnuŭ kantrakt z BATE
Forvard Vital Radzivonaŭ praciahnuŭ kantrakt z FK BATE, paviedamlaje sajt kłuba.
Skančajecca ŭžo dziaviaty siezon forvarda ŭ barysaŭskim kłubie. Da BATE Radzivonaŭ dałučyŭsia ŭ pačatku 2006 hoda i tolki ŭ pieršaj pałovie 2009-ha na pravach arendy vystupaŭ u niamieckim «Frajburhu» (druhaja bundeśliha).
Za čas, praviedzieny ŭ składzie «žoŭta-sinich», Radzivonaŭ staŭ vaśmirazovym čempijonam Biełarusi, dvojčy vyjhravaŭ Kubak krainy i trojčy — Supierkubak, šeść razoŭ udzielničaŭ u hrupavych stadyjach Lihi čempijonaŭ i Lihi Jeŭropy.
Vital vałodaje niekalkimi indyvidualnymi rekordami: źjaŭlajecca lepšym bambardziram u historyi BATE (118 hałoŭ), a taksama najlepšym biełaruskim snajpieram u jeŭrakubkach (19). Usiaho jon na dadzieny momant pravioŭ u formie barysaŭčan 307 aficyjnych matčaŭ.