U Śvisłačy dva piensijaniery ŭčadzieli ŭ miascovaj hramadskaj łaźni
Atručeńniem abiarnuŭsia pachod dvuch piensijanieraŭ u łaźniu ŭ Śvisłačy.
Jak paviedamlaje Hrodzienskaje abłasnoje ŭpraŭleńnie MNS, 25 kastryčnika ŭ 12.15 sa Śvisłackaj centralnaj rajonnaj balnicy pastupiła infarmacyja pra špitalizacyju ŭ reanimacyjnaje adździaleńnie z dyjahnazam «atručeńnie čadnym hazam» dvuch mužčyn 1948 i 1951 hadoŭ naradžeńnia, piensijanieraŭ.
Mužčyny atrymali atručeńnie ŭ parylnym adździaleńni hramadskaj łaźni, što naležyć Śvisłackamu RUP ŽKH. Stan paciarpiełych zdavalniajučy, akaličnaści zdareńnia ŭdakładniajucca.