U Hrodzienskim rajonie piensijanier paśla svarki z žonkaj uzarvaŭ dom i paviesiŭsia
U vioscy Stryjeŭka Hrodzienskaha rajona piensijanier skončyŭ žyćcio samahubstvam paśla svarki z žonkaj.
Jak paviedamlaje UUS Hrodzienskaha abłvykankama, 27 kastryčnika ŭ vioscy Stryjeŭka zdaryŭsia vybuch u adnym z damoŭ, u vyniku čaho jon častkova razburyŭsia. Na miesca vyjechali adpaviednyja słužby, jakija znajšli ŭnutry budynka trup haspadara žylla — piensijaniera 1932 hoda naradžeńnia. Mužčyna visieŭ u piatli.
Pavodle viersii pravaachoŭnikaŭ, da hetaha piensijanier pasvaryŭsia z žonkaj, začyniŭsia ŭ domie i paśla pakvitaŭsia z žyćciom, papiarednie adkryŭšy hazavy bałon. Uzharańnie adbyłosia ad zahadzia padpalenaha adzieńnia.