Barozu: Kali b nie ES, Rasija pahłynuła b krainy Bałtyi i Bałharyju
Kali b Łatvija, Litva, Estonija i Bałharyja nie ŭstupili ŭ ES, Rasija mahła b ich pahłynuć. Pra heta ŭ sieradu zajaviŭ prezident Jeŭrakamisii Žaze Manueł Barozu, jaki ŭ chutkim časie pakidaje pasadu.
Barozu stanoŭča adkazaŭ na pytańnie, ci varta było prymać u ES Bałharyju i Rumyniju z ulikam surjoznych prablem ź viaršenstvam zakona. «Davajcie na imhnieńnie ŭjavim, što hetyja krainy nie dałučylisia da ES. Tady, mahčyma, my zaraz nie havaryli b pra Ukrainu. Mahčyma, my havaryli b pra Bałharyju abo krainy Bałtyi», — skazaŭ palityk.
«Heta byŭ pravilny vybar. Viadoma, jon nie byŭ idealnym. Ale dazvolcie skazać zusim adkryta — ci źviazanyja našy prablemy jeŭraintehracyi z Bałharyjaj i Rumynijaj? Zrazumieła, nie», — dadaŭ jon.
Barozu ŭznačalvaŭ JEK z 2004 h.