Vypuskniki himnazij Lidy i Bresta abhaniajuć na CT staličnych školnikaŭ — rejtynh navučalnych ustanovaŭ Biełarusi
Rejtynh škoł Biełarusi pa vynikach centralizavanaha testavańnia: harady, miescy, bały, pradmiety.
Rejtynh lepšych siarednich navučalnych ustanoŭ Biełarusi skłaŭ pa zamovie Ministerstva adukacyi Respublikanski instytut kantrolu viedaŭ (RIKV).
Hladzicie, jakija siarednija bały pa testavańni ŭ vašaj škole abo lubym inšym cikavić vas navučalnaj ustanovie Biełarusi. Možna vybirać pradmiet, sartavać dadzienyja tolki pa škołach, licejach abo himnazijach, a taksama atrymać zvodnuju infarmacyju pa ŭsich dyscyplinach.
Zvodnaja tablica dastupnaja pa spasyłcy tut
Voźmiem dla prykładu biełaruskuju movu. Najlepšy vynik pakazali vypuskniki Liceja BDU (u siarednim 85,34 bała). Uśled idzie himnazija №1 Lidy (80,5) i himnazija №1 Bresta (78,42).
Hetaja ž trojka navučalnych ustanovaŭ lidziruje i ŭ ahulnym rejtynhu. Vyniki ich vypusknikoŭ fienamienalnyja.
Uziać vypusknikoŭ Lidskaj himnazii. Pa fizicy i matematycy jany na CT nabirajuć bolš za 70 bałaŭ. Dyk heta ž lepš, čym u śpiecyjalizavanych škołach i himnazijach stalicy!
Voś dzie dyrekcyja sabrała cudoŭny piedahahičny kalektyŭ, voś kamu treba pomnik pry žyćci stavić!
Źviartaje ŭvahu, što va ŭsich troch najlepšych ustanovach siaredniaj adukacyi Biełarusi vypuskniki pakazvajuć adnačasova rekordnyja vyniki pa rodnaj movie. A heta ž pra mnohaje śviedčyć.
Vydatnyja viedy dajuć taksama Homielski, Minski i Mahiloŭski abłasny licei, Licej №1 i №2 Minska, Himnazii №61, 22 i 1 Minska, Himnazija №1 Viciebska, SŠ №10 i №5 Śvietłahorska, Himnazija №1 Hrodna, Mahiloŭskaja haradskaja himnazija №1, Rečycki rajonny licej, Himnazija №8 Viciebska, Mazyrski abłasny licej, SŠ №3 Stoŭbcaŭ, Licei №1 Lidy i Bresta, Himnazija №1 i SŠ №27 Babrujska, SŠ №3 Klimavič, Homielski haradski licej, SŠ №13 Hrodna, SŠ №4 Salihorska, SŠ №7 Vaŭkavyska, SŠ №7 Baranavič, SŠ №12 i 14 Pinska, SŠ №1 Lepiela, SŠ №2 Navałukamla, SŠ №5 Smarhoni, SŠ №14 Maładziečna, SŠ №3 Biełaazierska, SŠ №10 i 11 Žłobina,
Pakazalna, što mnohija škoły i himnazii rehijonaŭ dajuć lepšyja vyniki, čym chvalonyja ŭstanovy ŭ Minsku.