Hiobiels siehodnia: bajcam Nachvardyi abiacajuć «pa dva raby» paśla vyzvaleńnia Danbasa VIDEA
U Internecie źjavilisia kadry rasijskaha Pieršaha kanała, dzie niejki mužčyna (nibyta žychar Danbasa) raspaviadaje, što ŭkrainskim vajskoŭcam paabiacali za vajnu «pa kavałku ziamli i dva raby».
Adpaviedny zapis vykładzieny na videachostynhu youtube.
Akramia zajavy pra raboŭ, siužet pierapoŭnieny paralelami pamiž dziejańniami ŭkrainskaj armii i hitleraŭcami, a taksama nacysckaj simvolikaj na šlemach. Biassprečnym dokazam usich śćviardžeńniaŭ źjaŭlajecca «mazaika z uryŭkaŭ razmovaŭ ukrainskich sałdat».
«Skłaŭšy mazaiku z uryŭkaŭ razmovaŭ ŭkrainskich sałdat, jany (žychary Danbasa) žachajucca tamu losu, jaki, mahčyma, ich čakaje», — kaža dyktar za kadram.
«Im zadavali pytańni miascovyja žychary «Za što vy vajujecie?». «Nam poobiciali kłaptik ziemli i dva raby» — cytuje «abryŭki» staršynia abstraktnaj sielskaj abščyny Viktar Bykadoraŭ.
Siužet źjaviŭsia ŭ efiry rasijskaha Pieršaha kanała 2 listapada.