Ździełka ab prodažy samaj darahoj biełaruskaj banknoty pravaliłasia
Historyja z prodažam samaj darahoj biełaruskaj banknoty atrymała praciah.
Jak paviedamlałasia raniej, 26 kastryčnika na biełaruskim internet-aŭkcyjonie AY.BY za rekordnuju sumu ŭ 1580 $ niba była pradadzienaja banknota 5000 rubloŭ uzoru 2000 hoda sieryi AH.
Pieramožcam byŭ pryznany kalekcyjanier z Rasii pad łahinam Vasilij1965, sa staŭkaj 1580 $. Pieramožca ŭ kamientarach da tarhoŭ vykazvaŭ adnaznačnuju hatoŭnaść kupić redkuju biełaruskuju banknotu za hetuju sumu, ale ŭ vyniku samaja darahaja ździełka ŭ biełaruskaj banistyki nie adbyłasia, piša sajt belbonistica.com.
Kupiec admoviŭsia ad svajoj staŭki, vyrašyŭšy, što pierapłaciŭ i byŭ hatovy addać za banknotu tolki 1000 $. Uładalnik banknoty admoviŭsia pradać jaje za nazvanuju sumu. Jon matyvavaŭ svaju admovu tym, što zapadozryŭ stvareńnie ažyjatažu ŭładalnikam niesumlennymi mietadami.
Redkaja banknota była pieravystaŭlena na tarhi na rasijskaj placoŭcy Molotok.ru sa startam ekvivalentnym 2000$. Znajšoŭsia tolki adzin žadajučy zrabić startavuju staŭku. U vyniku, banknota była pradadzienaja na rasijskim internet-aŭkcyjonie za 90 000 rasijskich rubloŭ, što kala 2000$.
Adnak mnohija ŭ internecie vykazvajuć mierkavańnie, što tym adzinym achvotnym byŭ sam pradaviec, jaki dziejničaŭ ź inšaha rachunku, kab stvaryć vakoł łota ažyjataž.