Ruch za Svabodu nia «Biełaja Ruś»
U Viarchoŭnym sudzie Biełarusi 18 śniežnia razhladajecca skarha inicyjataraŭ stvareńnia Ruchu za Svabodu na admovu Ministerstva justycyi ŭ rehistracyi hramadzkaha abjadnańnia.
U Viarchoŭnym sudzie Biełarusi 18 śniežnia razhladajecca skarha inicyjataraŭ stvareńnia ruchu "Za Svabodu" na admovu Ministerstva justycyi ŭ rehistracyi hramadskaha abjadnańnia.
Nahadajem, apošniaja admova Miniusta ŭ rehistracyi pravaabaronča-aśvietnaha hramadskaha abjadnańnia "Ruch "Za Svabodu" hruntujecca na tym, što arhanizatary praviali ŭstanoŭčy źjezd na terytoryi dziciačaha łahiera, jaki nie funkcyjanuje, z parušeńniami zakona "Ab masavych mierapryjemstvach u Respublicy Biełaruś". Tym samym, na dumku ministerstva, byŭ parušany paradak stvareńnia hramadskaha abjadnańnia.
Jak ličyć namieśnik staršyni ruchu "Za Svabodu" Juryj Hubarevič, usie patrabavańni zakanadaŭstva pry praviadzieńni ŭstanoŭčaha schodu arhanizacyi byli vykanany. Pavodle jaho słoŭ, stvareńnie hramadskich arhanizacyj rehłamientujecca zakonam ab hramadskich arhanizacyjach, a zakon ab masavych mierapryjemstvach, na padstavie jakoha było admoŭlena ŭ rehistracyi, nijakaha dačynieńnia da praviadzieńnia źjezdaŭ nie maje.
Aprača taho, arhanizatary ruchu prosiać sud pryznać toje, što pry razhladzie dakumientaŭ ab rehistracyi Miniust parušyŭ zakon. Dakumienty ab rehistracyi pavinny być razhledžany ŭ miesiačny termin. Arhanizatary padali zajaŭku na rehistracyju 11 vieraśnia. Admoŭny adkaz byŭ dadzieny tolki 22 kastryčnika.
Nahadajem, Ministerstva justycyi dvojčy admaŭlała ŭ rehistracyi hramadskaha abjadnańnia "Ruch "Za Svabodu" — 21 lipienia i 22 kastryčnika.