Łatyski barjer
Moładzievaja zbornaja Biełarusi pa chakiei nie zmahła viarnuć miesca ŭ elitnym dyvizijonie.
Moładzievaja zbornaja Biełarusi pa chakiei nie zmahła viarnuć miesca ŭ elitnym dyvizijonie, jakoje zhubiła letaś u Švecyi.
Na turnir u Ryhu kamanda Andreja Rasolki jechała hałoŭnym favarytam. Pieršyja matčy hety status paćvierdzili, našy chłopcy pa čarzie pieramahli vuhorcaŭ, francuzaŭ, słaviencaŭ i brytancaŭ. Tym časam haspadary turniru spatyknulisia na słaviencach, što nie mahła nia radavać.
Usio vyrašaŭ apošni matč turniru. Biełarusam dla vychadu ŭ elitu možna było i prajhrać u overtajmie, łatyšam była patrebnaja tolki pieramoha.
Pieršy peryjad skončyŭsia biezvynikova. U druhim - lik adkryli haspadary, ale amal adrazu Jury Jelisiejenka vyraŭniaŭ lik – 1:1.
Apošni peryjad byŭ baraćboj nervaŭ, u łatyšoŭ ich akazałasia bolej. Za čatyry z pałovaj chviliny da syreny, jany vyjšli napierad. Paśla zakinuli jašče adnu šajbu ŭ pustyja varoty – 1:3.
Pavyšeńnia ŭ klasie daviadziecca čakać jašče ceły hod.