Bužanina za 95 tysiač, zrazy «Pa-vilensku» – za 65. U Minsku adbudziecca «Tydzień biełaruskaj kuchni»
Čarhovy «Tydzień biełaruskaj kuchni» projdzie ŭ restaranach i kafe Minska z 10 pa 16 listapada, paviedamili ŭ Hałoŭnym upraŭleńni spažyvieckaha rynku Minharvykankama.
U kulinarnaj akcyi prymuć udzieł 85 abjektaŭ hramadskaha charčavańnia biełaruskaj stalicy.
Jak nahadali ŭ hałoŭnym upraŭleńni spažyvieckaha rynku Minharvykankama, asnoŭnaje praviła «Tydnia biełaruskaj kuchni» - adzinaja receptura i ceny. Padčas akcyi kafe i restarany prapanujuć svaim naviedvalnikam pakaštavać
sałatu «Biełaviežskaja pušča» koštam Br45 tys., poliŭku hrybnuju (Br25 tys.), bužaninu z kisłaj kapustaj i hrybami (Br95 tys.), Zrazy kurynyja «Pa-vilensku» (Br65 tys.), mors jahadny ź višni i žuravin (Br15 tys.)
Tydzień biełaruskaj kuchni pravodzicca ŭ Minsku pa inicyjatyvie hałoŭnaha ŭpraŭleńnia spažyvieckaha rynku Minharvykankama i pry padtrymcy hramadskaha abjadnańnia biełaruskich kucharoŭ «Supołkaju kucharaŭ». Papiarednija kulinarnyja akcyi prajšli ŭ vieraśni i śniežni 2013 hoda, a taksama ŭ lutym, sakaviku i žniŭni 2014-ha.