NATA adpracuje ŭvarvańnie ŭ Estoniju «varoža nastrojenaj dziaržavy»
delfi.ee
U Estonii pačalisia štabnyja vučeńni sił chutkaha reahavańnia NATA Trident Juncture.
Ab hetym paviedamlajecca 9 listapada na sajcie Hałoŭnaha štaba Sił abarony krainy.
Pavodle scenaryja vučeńniaŭ, u Estoniju ŭryvajecca armija «varoža nastrojenaj dziaržavy», paśla čaho Estonija abviaščaje vajennaje stanovišča i NATA adpraŭlaje tudy siły chutkaha reahavańnia.
U manieŭrach prymuć udzieł amal 1,5 tysiačy vajennych i hramadzianskich śpiecyjalistaŭ z dvaccaci krain - členaŭ NATO.
6 listapada ŭ Litvie pačalisia vučeńni NATA «Žalezny mieč 2014» (Iron Sword), u jakich prymajuć udzieł bolš za 2,5 tysiačy vajskoŭcaŭ ź dzieviaci krain NATA. Jak raspavioŭ kamandujučy ŭzbrojenymi siłami Litvy hienierał-major Jonas Žukas, paśla samitu aljansu va Uelsie «abmiarkoŭvajucca roznyja miery, častka ź jakich źviazana z uzmacnieńniem biaśpieki va Uschodniaj Jeŭropie, u tym liku pašyreńnie prysutnaści sił NATA i kolkaści sumiesnych vučeńniaŭ u našym rehijonie».