Čystyja straty arhanizacyj Minska za studzień—vierasień pavialičylisia ŭdvaja
Suma čystych strataŭ arhanizacyj Minska za studzień—vierasień hetaha hoda skłała 3 trłn. 410,7 młrd. rubloŭ, što ŭ 1,9 razu bolš, čym za anałahičny letašni pieryjad, paviedamlaje hałoŭnaje statystyčnaje ŭpraŭleńnie stalicy.
Pavodle vynikaŭ studzienia—vieraśnia stratnymi byli 308 arhanizacyj (18% ad ahulnaj kolkaści padulikovych arhanizacyj). Za taki ž pieryjad 2013 hoda sa stratami pracavali 205 arhanizacyj (12%).
Udzielnaja vaha stratnych arhanizacyj skłała: u sielskaj haspadarcy, palavańni i lasnoj haspadarcy — 5% (u studzieni—žniŭni 2014 hoda — 0%); u pramysłovaści — 25,5% (15,6%); budaŭnictvie — 16,7% (10,5%); handli — 23,8% (17,9%); hatelach i restaranach — 31,8% (15,2%); na transparcie — 18,4% (13,6%); u suviazi — 15% (5%); finansavaj dziejnaści — 14,3% (0%); u śfiery apieracyj ź nieruchomaj majomaściu, arendy i akazańnia pasłuh spažyŭcam — 7,6% (6,2%); adukacyi — 11,4% (11,4%); achovie zdaroŭja i śfiery akazańnia sacyjalnych pasłuh — 18,8% (6,3%); śfiery akazańnia kamunalnych pasłuh — 21,6% (13,5%).
Rentabielnaść prodažu za studzień—vierasień 2014 hoda skłała 7% i pavialičyłasia ŭ paraŭnańni sa studzieniem—vieraśniem 2013 hoda na 0,4 pracentnaha punkta. Za vierasień 2014 hoda rentabielnaść prodažu skłała 6,7%.