Mahiloŭcy prapanavali admianić prezidenckija vybary: kab parłamient sam pieraabraŭ Łukašenku
Bolš za sto žycharoŭ Mahilova źviarnulisia da pałaty pradstaŭnikoŭ z prośbaj u metach ekanomii biudžetnych srodkaŭ pravieści prezidenckija vybary 2015 samastojna.
«U suviazi z tym, što «koniej na pierapravie nie mianiajuć» i kab nie było jak va Ukrainie, a taksama dla vykanańnia pieradvybarčych abiacańniaŭ prezidenta ŭ 1994 hodzie — ab viartańni abiascenienych układaŭ padmanutym układčykam, prosim vas madernizavać vybary 2015 hoda.
Dla ekanomii narodnych srodkaŭ abrać prezidenta RB deputatami PP NS RB pad samym žorstkim kantrolem Administracyi prezidenta RB», — havorycca ŭ zvarocie, inicyjataram jakoha vystupiŭ aktyvist Niezaležnaha prafsajuza REP Alaksiej Paŭłoŭski.
Na dumku padpisantaŭ, praviadzieńnie vybaraŭ takim čynam dazvolić zachavać 100 miljardaŭ rubloŭ i viarnuć ich «u pieršuju čarhu układčykam stałaha ŭzrostu».